केशवराज भट्ट
बैतडी फागुन १७ गते । बैतडीका एक वडा अध्यक्षले सबै वडावासी जनताको विद्युत महसुस तिर्दै आउनुभएको छ ।
जिल्लाको पाटन नगरपालिका–९ का वडा अध्यक्ष कालुसिंह भाटले आफ्नो वडामा बसोबास गर्ने तीन सय परिवारको विद्युत महसुल तिर्दै आउनुभएको हो ।
वडाध्यक्ष भाटले विगत वर्षदेखि आफ्नो मासिक पारिश्रमिकबाट वडाबासिको विधुत महसुस तिर्दै आएको बताउनुभयो । आफुले अध्यक्षमा निर्वाचित भए पछि उहाँले वडाबासीको विद्युत महसुल तिरिदिने घोषणा गर्नुभएको थियो ।
२०७९ साउनदेखि हालसम्मको विद्युत महसुल तिरेको रसिद उहाँले घर–घरमै पुर्याउने गरी टोल–टोलमा वितरण गरिरहनु भएको छ । अध्यक्ष भाटले आफ्नो पूरा कार्यकालसम्मनै वडाबासीको विधुत महसुस बझाउने बताउनुभयो ।
सानो रकम भए पनि वडाध्यक्षले आफैले तिरीदिने गरे पछि आफुहरुलाई सहज भएको स्थानीय लक्ष्मी महराले बताउनुभयो । महसुस बुझाउने रकमले छोराछोरीलाई कापीकलम किन्ने गरेको अर्का स्थानीय जगदीशराम बिकले बताउनुभयो ।
वडाध्यक्षको चुनावी एजेन्डा अनुसार उहाँले वडाबासीको विधुत महशुल तिर्ने गरेको स्थानीय धर्मान्नद भट्टले बताउनुभयो ।
अध्यक्षले आफ्नो पारिश्रामिकबाट तीन सय घरधुरीको विधुत महशुल बुझाउदै आउनुभएको र आर्थिक रुपमा बिपन्न नागरिकलाई पनि सहयोग गर्दै आएको अर्का स्थानीय मनोज भट्टले बताउनुभयो ।
वडाध्यक्ष भाटले वडाबासीलाई विभिन्न सहयोग गर्दै आएको बाताएका छन् । साथै उनले सरस्वती आधारभूत विद्यालय किचारमा २ लाख ११ हजारको लागतमा सरस्वतीको मन्दिर समेत निर्माण गर्नुभएको छ ।
वडाध्यक्ष भाटले २०७९ साउनदेखि हालसम्म वडाका बासिन्दाको विद्युत महशुल वाफत ५ लाख ५० हजार रकम बुझाइसकेको पाटन वितरण केन्द्र प्रशाखा इन्चार्ज केशव ऐरीले बताउनुभयो ।
