- Advertisement -
कैलाली । दसैँ मनाउन परिवारसहित बैतडी आएका हरिमोहन भट्टको कैलालीस्थित घरबाट ६ तोला सुनसहित नगद रकम चोरी भएको छ ।
कैलालीको गोदावरी नगरपालिका–१, अत्तरिया वनदेवी टोलमा बस्दै आएका भट्टको घरबाट दुई तोला चाँदी र गुल्लकमा जम्मा गरेर राखेको करिब डेढ लाख रुपैयाँसमेत चोरी भएको प्रहरीले जनाएको छ ।
घरधनी भट्टका अनुसार उनी असोज २५ गते परिवारसहित दसैँ मनाउन बैतडी आएका थिए । कात्तिक ५ गते कैलालीस्थित घर फर्किएपछि चोरी भएको थाहा पाएको उनले बताएका छन् ।
घटनाबारे भट्टले इलाका प्रहरी कार्यालय मालाखेतीमा उजुरी दिएका छन् । कार्यालयका अनुसार चोरीसम्बन्धी उजुरी प्राप्त भएको र घटनाबारे अनुसन्धान भइरहेको छ ।
