- Advertisement -
बैतडी, जेठ २९ गते । रोजगारीका लागि भारत गएका बैतडीका एक पुरुषको निधन भएको छ।
पाटन नगरपालिका–३ कल्तडी, हिउँनया निवासी अन्दाजी ५३ वर्षीय जगदीश भट्टको भारतमा निधन भएको स्थानीयवासी नारद भट्टले जानकारी दिएका छन्।
भारतको चण्डीगढमा रोजगारी गर्दै आएका भट्टको बिहीबार राति ड्युटीमै रहेका बेला मृत्यु भएको बताइएको छ। उनी केही समयदेखि श्वासप्रश्वास सम्बन्धी समस्याबाट पीडित रहेको र अचानक स्वास्थ्य अवस्था बिग्रिएपछि निधन भएको जनाइएको छ।
करिब एक वर्षअघि रोजगारीको सिलसिलामा भारत गएका भट्टको असामयिक निधनले परिवार शोकमा परेको छ। परिवारको आर्थिक अवस्था सुधार्ने उद्देश्यले विदेशिएका भट्टको निधनको खबरपछि कल्तडी गाउँमा समेत शोक छाएको स्थानीयले बताएका छन्।
