२६,जेठ :अमेरिकामा जारी आईसीसी टी–२० विश्वकप क्रिकेटमा अफगानिस्तानले न्यूजिल्याण्डमाथि ऐतिहासिक जित दर्ता गरेकाे छ।
ऐतिहासिक जित दर्ता गर्ने क्रममा अफगानिस्तानले न्यूजिल्याण्डलाई ८४ रनले हरायाे ।
अफगानिस्तानले न्यूजिल्याण्डलाई हराएको यो पहिलो पटक हो ।
अफगानिस्तानले दिएको १६० रनको लक्ष्य पछ्याएको न्यूजिल्याण्ड १५.२ ओभरमा मात्रै ७५ रन बनाउँदै अल आउट भयो ।
न्यूजिल्याण्डलाई सस्तोमा समेट्न फजाल्हाक फारूकीले र राशिद खान ४/४ विकेट लिए ।न्यूजिल्याण्डका लागि ग्लेन फिलिप्सले १८ र म्याट हेनरीले १२ रन बनाउनु बाहेक अन्य ब्याटरले दोहोरो अंकमा रन जोड्न सकेनन् ।
यसअघि टस हारेर पहिले ब्याटिङ गरेको अफगानिस्तानले ६ विकेटको क्षतिमा १ सय ५९ रन बनाएको थियो । ओपनरद्वय रहमनुल्लाह गुरबाज र इब्राहिम जादरानले पहिलो विकेटका लागि शतकीय साझेदारी गरेका थिए । जादरान ४१ बलमा ४४ रन जोड्दै आउट भए भने गुरबाजले सर्वाधिक ८० रन बनाए ।
