केशवराज भट्ट, वाशुलिङ्ग,बैतडी, वैशाख २६ गते । बैतडी निर्माण व्यवसायी संघको अध्यक्षमा सुरेश चन्द पुनः निर्विरोध निर्वाचित हुनुभएको छ ।
शनिबार सम्पन्न संघको १८औँ साधारणसभा तथा १०औँ अधिवेशनबाट चन्दको नेतृत्वमा नयाँ कार्यसमिति सर्वसम्मत रूपमा चयन गरिएको हो ।
नवनिर्वाचित कार्यसमितिको प्रथम उपाध्यक्षमा नरीसिंह भाट, द्वितीय उपाध्यक्षमा राजेन्द्रबहादुर चन्द, महासचिवमा विकास चन्द, सचिवमा पूर्णबहादुर टेर तथा कोषाध्यक्षमा राजेन्द्रबहादुर चन्द निर्विरोध निर्वाचित हुनुभएको छ ।
त्यसैगरी सदस्यहरूमा रमेशबहादुर चन्द, भुवन जोशी, अमित रावल, राजेन्द्रप्रसाद भट्ट, भुवनराज भट्ट, सरस्वती लेखक, सुधीरप्रसाद भट्ट र सुरज चन्द चयन हुनुभएको छ ।
नवनिर्वाचित पदाधिकारी तथा सदस्यहरूले निर्माण व्यवसायलाई व्यवस्थित, पारदर्शी र व्यवसायीमैत्री बनाउँदै जिल्लामा गुणस्तरीय पूर्वाधार विकासमा सक्रिय भूमिका निर्वाह गर्ने प्रतिबद्धता व्यक्त गरेका छन् ।
