- Advertisement -
अत्तरिया – कैलालीको अत्तरियाबाट लागू औषध ट्रामाडोल क्याप्सुल सहित प्रहरीले २ जनालाई पक्राउ गरेको छ ।
शनिवार साँझ लागू औषध नियन्त्रण ब्युरो शाखा कार्यालय धनगढी र इलाका प्रहरी कार्यालय मालाखेतीबाट खटिएको संयुक्त प्रहरी टोलीले गोदावरी नगरपालिका – २ तेघरीबाट हिँडिरहेको अवस्थामा शङ्का लागि चेकजाँच गर्दा २ जनालाई पक्राउ गरेको हो । पक्राउ पर्नेमा स्थानीय ३५ वर्षीय तपेश खड्का र २६ वर्षीय दिक्पाल स्वार रहेको इलाका प्रहरी कार्यालय मालाखेतीले जनाएको छ । प्रहरीले तपेश खड्काको साथबाट ३१० ट्रामाडोल क्याप्सुल र दिक्पाल स्वारको साथबाट ५० क्याप्सुल बरामद गरेको जनाएको छ ।
