घाँस काट्न गएकी बृद्धाको भीरबाट खसेर मृत्यु

- Advertisement -

केशव भट्ट,बैतडी।
भीरबाट लडेर बैतडीमा एक वृद्धाको मृत्यु भएको छ । घरनजिकैको जंगलमा घास काट्ने क्रममा दशरथचन्द नगरपालिका–६ टाककी ७० बर्षीया धनपती नाथको भीरबाट लडेर मृत्यु भएको जिल्ला प्रहरी कार्यालय बैतडीका प्रवक्ता प्रहरी निरीक्षक बल्देव बडूले बताउनुभयो ।

शनिबार दिउँसो १२ बजे भीरबाट लडेर २ सय मिटर तल खसेर गम्भीर घाइते हुनभएकी नाथको जिल्ला अस्पताल बैतडीमा उपचारका क्रममा दिउँसो ३ बजेर १० मिनेटमा मृत्यु भएको प्रहरीले बडूले बताउनुभयो ।
मृतक नाथको शव पोष्टमार्टमका लागि जिल्ला अस्पतालमा राखिएको प्रहरी जनाएको छ।