- Advertisement -
बैतडी:बैतडीको सुर्नया गाउँपालिकामा आज शोक बिदा दिइएको छ ।गाउँपालिकाको वडा नं ८ स्थित कैलपाल सामुदायिक स्वास्थ्य इकाइमा कार्यरत अहेव कृष्णबहादुर साउँदको निधन भएकाले एक दिन शोक बिदा दिइएको गाउँपालिकाका प्रमुख प्रशासकीय अधिकृत लोगराज जोशीले बताए ।
साउँदको बिहीबार राति ११ बजेको समयमा निधन भएको थियो । समान्य बिरामी भएका साउद डडेल्धुरा अस्पतालबाट औषधी ल्याएर फर्केका थिए। घर फर्केका साउँदको बिहीबार राति एक्कासी निधन भएको परिवार श्रोताले बताएको छ।मृतक साउँदको घरमा श्रीमती, एक छोरा र एक छोरी रहेका छन् । साउँदको निधनले सिङ्गोगाँउ शोकमा डुबेको छ।
साउँदको निधनको शोकमा आज गाउँपालिका कार्यालय, वडा कार्यालय र स्वास्थ्य संस्थाहरुमा शोक बिदा दिइएको गाउँपालिकाले जनाएको छ ।
