बैतडी, शिक्षक आन्दोलनका कारण बन्द रहेका सामुदायिक विद्यालयका विद्यार्थी निजी स्कुल तिर जान थालेपछि बैतडीको एक सामुदायिक बिद्यालयले विद्यार्थीलाई किताब वितरण गरेको छ ।
जिल्लाको पाटन नगरपालिका-९ मा पर्ने सिद्धेश्वर माध्यमिक विद्यालय हुक्केडाडाँले गत शैक्षिक सत्रमा पढ्ने अहिले कक्षा बढेका बिद्यार्थीलाई किताब वितरण गरेको विद्यालय व्यवस्थाप समिति अध्यक्ष प्रेमसिह भाटले बताउनुभयो ।
निजि बिद्यालयहरुले गाउँगाउँ पुगेर सामुदायिक बिद्यालयका विद्यार्थी भर्नाका लागि लैजान थालेपछि केही समयपछि पढाई सुरु गर्ने भन्दै किताब वितरण गरेको व्यवस्थाप समिति अध्यक्ष भाटले बताउनुभयो ।
कार्यालय सहयोगी, निजी शिक्षक, नगरस्वंमसेवक शिक्षक र अभिभावकको सहयोगमा किताब वितरण गरिएको भाटले बताउनुभयो । उहाँले भन्नुभयो, ‘विद्यार्थी कम भर्ना भए नगरपालिकाले मर्जको निति ल्याएको छ। पछि संख्या धेरै कम भए समस्या पर्न सक्ने भएकाले बिद्यार्थीलाइ किताव वितरण सुरु गरेको गरेका छौं । ‘
शिक्षकका केही मागमा हामीले समर्थन गरे पनि विद्यालयलाई समस्या पर्न थालेपछि पुस्तक वितरण गरेर स्वयंसेवक र नगर शिक्षकबाट सिकाइ सुरु गर्ने योजना बनाएको उहाँले बताउनुभयो । ‘२१ दिनसम्म शिक्षकहरुको आन्दोलनलाई सहयोग गरिएकै हो , अब बिद्यालयलाई समस्या भएको छ, हामीसंग नगरस्वंसेवक र निजी स्रोतका शिक्षक हुनुहुन्छ, उहाँहरुको सहयोगमा किताब वितरण गरेका हौं ‘ उहाँले भन्नुभयो । यसपालि सिद्धेश्वर मावि हुक्केडाडाँका ६ जना विद्यार्थीले निजि बिद्यालयमा भर्ना गरिसक्नुभएको उहाँले बताउनुभयो ।
पाटन नगरपालिकामा मात्र हैन जिल्लामा बन्द अरु विद्यालयका स्वयंसेवक शिक्षक, निजि स्रोतका शिक्षक र कार्यालय सहयोगी, विद्यालय कर्मचारीहरु अब एकमुष्ट हाजिर गर्ने की कसले हाजिर प्रमाणीत गर्ने भन्ने बिषयमा चिन्तित बनेकाे सामुदायिक विद्यालय व्यवस्थापन समिति महासंघका सुदूरपश्चिम प्रदेश अध्यक्ष समेत रहनुभएका भाटले बताउनुभयो । आन्दोलनरत शिक्षकले भने हाजिर किताव नै काठमाण्डौ लगेर हाजिर गर्ने गरेका बुझिएको उहाँले बताउनुभयो ।
साथै पाटन नगरपालिका ३ स्थित सिगास मावि गौरीशंकर पोखरीमा पनि बैशाख १३ गते बिद्यालयमा नियमित पठनपाठन सुरु गर्नको लागि व्यवस्थापन समिति, शिक्षक अभिभावक संघ समिति र सल्लाहकार समितिको संयुक्त बैठक बस्ने यो बिद्यालय व्यवस्थापन समितिका समेत अध्यक्ष रहनुभएका भाटले बताउनुभयो ।
