बैतडीको सुर्नया गाउँपालिका र खाद्य व्यवस्था तथा व्यापार कम्पनीबिच सम्झौता भएको छ ।
खाद्यान्नको सहज उपलब्धता र आपूर्ति तथा बजार मूल्य स्थायित्वका लागि सोमबार गाउँपालिका र कम्पनीबिच सम्झौता भएकोगाउँपालिका अध्यक्ष अम्मरबहादुर कुवँरले बताउनभयो ।
खाद्य संकटग्रस्त क्षेत्रमा जनताको खाद्य सुरक्षाको सुनिश्चित गर्न, खाद्यान्न भण्डारण, ढुवानी, विक्री तथा बजार व्यवस्थापनमा सहकार्य गर्न सम्झौता गरिएको अध्यक्ष कुवँरले बताउनभयो ।
खाद्यान्नको सहज उपलब्धता, आपूर्ति तथा बजार मूल्य स्थायित्वका लागि गाउँपालिकामा खाद्य ‘डिपो’ सञ्चालनमा सहकार्य गर्ने गरी सम्झौता गरिएको अध्यक्ष कुवँरले बताउनुभयो ।
खाद्य व्यवस्था तथा व्यापार कम्पनीले खाद्यान्नको ढुवानी र दैनिक विक्री व्यवस्थापन, जनशक्ती व्यवस्थापन तथा कम्प्युटर बिलिङ् प्रणाली सञ्चालन गर्ने र स्थानीय तहले संकलन गरेका रैथाने बालीहरुको खरिद र बजारीकरण गर्नेगरि सम्झौता भएको गाउँपालिका अध्यक्ष कुवँरले बताउनुभयो ।
गाउँपालिका अध्यक्ष र खाद्य व्यवस्था तथा व्यापार कम्पनी लिमिटेडका प्रमुख कार्यकारी अधिकृतबिच उक्त सम्झौता गाउँपालिकाले जनाएको छ।
