- Advertisement -
पुस १६ गते । नेपाल आयल निगमले पेट्रोलियम पदार्थको मूल्य घटाएको छ। आज राति १२ बजेदेखि लागू हुने गरी पेट्रोल प्रतिलिटर ४ रुपैयाँ तथा डिजेल/मट्टितेल ५ रुपैयाँले घटाइएको हो।
यस्तै, हवाई इन्धनमा प्रतिलिटर ६ रुपैयाँ कमी गरिएको छ भने खाना पकाउने एलपी ग्याँसको मूल्य यथावत् राखिएको निगमले जनाएको छ।
निगमका अनुसार इण्डियन आयल कर्पोरेशनबाट प्राप्त नयाँ खरिद मूल्यमा पेट्रोल, डिजेल र हवाई इन्धन सस्तो आए पनि एलपी ग्याँस भने प्रतिसिलिण्डर १०० रुपैयाँभन्दा बढीले महँगो आएको छ।
