- Advertisement -
बैतडी, पुष ६गते । नेपाली कांग्रेसको १५ औं महाधिवेशनलाई लक्षित गर्दै कांग्रेस बैतडीले पालिकास्तरीय बैठकलाई निरन्तरता दिएको छ ।
महाधिवेशनको तयारी तथा तल्लो तहका अधिवेशनबारे छलफल गर्न आइतबार सिगास गाउँपालिकाको गाँजरी र पुर्चौंडी नगरपालिकाको गिरिजा बगडमा बैठक सम्पन्न गरिएको नेपाली कांग्रेस बैतडीका सचिव देवराज जोशीले जानकारी दिए ।
बैठकमा संगठन विस्तार, नयाँ क्रियाशील सदस्यता वितरण तथा वडा, पालिका र जिल्ला अधिवेशनका विषयमा छलफल भएको थियो । बैठकमा पालिका समिति पदाधिकारी, प्रदेश क्षेत्रीय सदस्य, महाधिवेशन प्रतिनिधि तथा क्रियाशील सदस्यहरूको सहभागिता रहेको थियो ।
यसअघि पाटन, मेलौली, शिवनाथ र पञ्चेश्वरमा बैठक सम्पन्न भइसकेको कांग्रेसले सोमबार सुर्नया र दोगडाकेदारमा बैठक गर्ने तयारी गरेको सचिव जोशीले बताए ।
