केशवराज भट्ट, बैतडी । अन्तर्राष्ट्रिय क्रिकेट परिषद् (आईसीसी) का अध्यक्ष जय शाहले नेपाल प्रिमियर लिग (एनपिएल) सफलतापूर्वक सम्पन्न गरेकोमा नेपाल क्रिकेट संघ (क्यान) लाई बधाई दिएका छन्।
क्यान अध्यक्ष चतुरबहादुर चन्दलाई पठाएको पत्रमार्फत अध्यक्ष शाहले एनपिएलको उत्कृष्ट व्यवस्थापन, खेलस्तर र समग्र आयोजनाले अन्तर्राष्ट्रिय स्तरमा उल्लेखनीय छाप छोडेको उल्लेख गर्दै एनपिएलले नेपाली क्रिकेटलाई नयाँ उचाइमा पुर्याउन महत्वपूर्ण भूमिका खेलेको समेत प्रशंसा गरेका छन्।
आईसीसी अध्यक्षको बधाई पत्रले नेपाली क्रिकेटको सकारात्मक प्रगतिलाई थप बल मिलेको नेपाल क्रिकेट संघ (क्यान) का अध्यक्ष चतुर बहादुर चन्दले जानकारी दिनुभयो ।
