केशव भट्ट,बैतडी,असोज ३ गते ।
नेपालको संविधान जारी भएको अवसरमा हरेक वर्ष असोज ३ गते मनाइने संविधान दिवस २०७२ बैतडीमा पनि विशेष कार्यक्रमसहित मनाइएको छ।
‘परिवर्तित राजनीति र नेपालको संविधान’ विषयक कार्यक्रम शुक्रबार बैतडीमा नेपाली कांग्रेस जिल्ला कार्य समिति, बैतडीको आयोजनामा सम्पन्न भएको हो।
कार्यक्रममा नेपाली कांग्रेसका जिल्ला सभापति चतुरबहादुर चन्द, विभिन्न तहका नेता, जनप्रतिनिधि र पार्टी कार्यकर्ताको उल्लेखनीय उपस्थिति रहेको थियो।
सहभागीहरूले संविधानको मर्म, मूल्य र कार्यान्वयनमा देखिएका चुनौती तथा अवसरबारे आफ्ना विचार राखेका थिए।
कार्यक्रममा वक्ताहरूले लोकतन्त्र, समाजवाद र राष्ट्रियताको आधारमा संविधानलाई बलियो र प्रभावकारी बनाउनुपर्नेमा जोड दिएका छन्।
उनीहरूले वर्तमान राजनीतिक परिस्थिति, संविधानको उपलब्धि र आगामी दिनमा यसको सफल कार्यान्वयनका लागि आवश्यक पहलबारे पनि सुझाव दिएका थिए।
नेपाली कांग्रेस जिल्ला कार्य समिति, बैतडीका पदाधिकारीहरूले संविधानले देशको राजनीतिक स्थायित्व, समावेशी शासन प्रणाली र नागरिकको अधिकार सुरक्षामा महत्त्वपूर्ण भूमिका खेलेको उल्लेख गर्दै यसको संरक्षण र प्रवर्द्धन सबैको दायित्व भएको बताएका छन्।
कार्यक्रममा संविधान दिवसको ऐतिहासिक महत्वबारे छलफलसहित संविधानप्रतिको प्रतिबद्धता दोहोर्याइएको थियो।
