- Advertisement -
काठमाडौं : नेपाली कांग्रेसको पदाधिकारी बैठकले गृहमन्त्री रमेश लेखकलाई राजीनामा दिएर मार्ग प्रशस्त गर्न दबाब दिएको छ। सभापति शेरबहादुर देउवाको निवास बुढानिलकण्ठमा जारी बैठकमा सहभागी नेताहरूले गृहमन्त्री लेखलाई राजीनामा दिएर मार्ग प्रशस्त गर्न दबाब दिएको हो। सहभागी एक नेताका अनुसार सभापति देउवाले पनि मार्ग प्रशस्त गरिदिन गृहमन्त्री लेखकलाई निर्देशन दिएका छन्। ‘सभापतिसहित सहभागी नेताहरूले गृहमन्त्रीज्युलाई राजीनामा दिएर मार्ग प्रशस्त गर्न भन्नुभएको छ। सम्भवतः यो बैठकपछि उहाँले राजीनामा दिनुहुन्छ,’ ती नेताले अन्नपूर्णसँग भने।
त्यसपछि गृहमन्त्री लेखक राजीनामा दिन्छु भन्दै बैठकबाट बाहिरिएका थिए। उनी प्रधानमन्त्री निवास बालुवाटारमा जारी मन्त्रिपरिषद् बैठकमा सहभागी बनेका छन्।
