- Advertisement -
बैतडी : पञ्चेश्वरमा निःशुल्क मोतिबिन्दु छनौट शिविर सञ्चालन भएको छ। मंगलबारदेखी गणमेश्वर आधारभुत विद्यालय पञ्चेश्वर गाउँपालिका–०५ मा शिविर सञ्चालन भएको गाउँपालिका अध्यक्ष गोरख बहादुर चन्दले बताउनुभयो।
च्यारिटि हेल्थ फाउण्डेशन नेपालको आर्थीक सहयोग र धनगढी नेत्रालय तथा श्रीकृष्ण आँखा अस्पतालको प्राबिधिक सहयोगमा शिविर सञ्चालन गरिएको हो। वडाध्यक्ष नरेश बहादुर चन्दको अध्यक्षता, गाउँपालिका अध्यक्ष गोरख बहादुर चन्दको प्रमुख आतिथ्य र धनगढी नेत्रालयका अध्यक्ष गजेन्द्र बहादुर चन्दको बिशिष्ट आतिथ्यमा शिविरको उद्घाटन गरिएको छ।
साथै यहि जेठ ८ र ९ गतेका दिन पञ्चेश्वरको कुलाउमा वडा न ५ र ६ का नागरीकको सयुक्त आखाँ जाँच तथा अपरेशन र चस्मा वितरण हुने वडाध्यक्ष चन्दले जानकारी दिनुभयो।
