सुर्नया गाउँपालिकामा आधारभुत तह कक्षा ८को परीक्षा सञ्चालन भएको छ।
२६गते बिहान ८बजे देखि सञ्चालन भएको परिक्षामा पालिका भरीमा ४१२जना छात्रछात्राहरुको सभागिता रहेको छ।
यस्तै सोमबारदेखि सञ्चालन भएको परिक्षामा सुर्नया-२स्थित बाशुदेब मा•बिमा ८३जना छात्रछात्राहरुको सहभागिता रहेको विद्यालयका प्रधानाध्यापक जीत बहादुर पाण्डेयले बताउनुभयो ।
चैत्र५गते सम्म सञ्चालन हुने परिक्षामा पालिकाभरीमा ८वटा परिक्षा केन्द्रहरुमा परीक्षा सञ्चालन भईरहेको पालिकाका शिक्षा शाखाका कर्मचारी गणेश कुवँरले बताए ।
बिहानै ८ बजे देखि परीक्षा सञ्चालन भइरहेको र यस बर्षको होलिपर्व पनि परिक्षा संगै परेकाले केही प्रभाव पर्न सक्ने बाशुदेब मा•बि लिस्कीटाका लेखापाल मानबहादुर चन्दले बताउनुभयो । मौसम परिवर्तनको कारणले गाउमा भाइरल ज्वरोले पनि विधार्थीहरुमा प्रभाव परेको उनले बताए ।
पालिका भरिमा शान्त तवरले परीक्षा सञ्चालन भैरहेको सुर्नया गाउपालिकाको शिक्षा शाखाले जनाएको छ ।
