बैतडी फागुन १४ गते ।
जिल्ला अस्पताल बैतडीमा स्त्री तथा प्रसूति रोग विशेषज्ञ डाक्टर हाजिर हुनुभएको छ।
स्त्री तथा प्रसुती रोग विशेषज्ञ डाक्टर रामकुमार यादव र मेडिकल अधिकृत डाक्टर निश्चल ज्ञवाली मंगलबार बैतडी अस्पतालमा आउनु भएको हो ।
उहाँहरुले मंगलवार देखि नै जिम्मेवारी थालेको अस्पतालका मेडिकल सुपरिटेन्डेन्ट डाक्टर सुशील विकले बताउनुभयो ।
स्त्री तथा प्रसूति रोग विशेषज्ञ डाक्टर यादव प्रदेश सरकारको परामर्श सेवा र मेडिकल अधिकृत ज्ञवाली छात्रवृत्ति करारबाट बैतडी अस्पतालमा हाजिर भएकाे मेसु डाक्टर विकले बताउनुभयो ।
अब जिल्ला अस्पताल बैतडीमा २ विशेषज्ञ, १ डेन्टल र ६ मेडिकल अधिकृत गरी जम्मा ९ जना डाक्टर कार्यरत रहनु भएको छ ।
डाक्टर यादवले कामकाज थाल्नु भएसँगै बैतडी अस्पतालबाट स्त्री तथा प्रसूति रोग सम्बन्धी जाँच र उपचार गर्न थालिएको छ ।
विशेषज्ञ डाक्टरको अभावमा डडेलधुरा र धनगढी तथा भारतको पिथौरागढ जानुपर्ने बाहयत रहेकोमा स्त्री रोग उपचार सेवा संचालनमा आएपछि बैतडीका बिरामीले जिल्लामै सहज सेवा पाउने अस्पताल व्यवस्थापन समिति अध्यक्ष पार्वती भट्टले बताउनुभयो ।
