बैतडी :बैतडीको दोगडाकेदारले ४० बर्षमाथिका विपन्न एकल र विधुर पुरुषलाई भत्ता दिने भएको छ।
चालु आर्थिक बर्षमा विपन्न एकल पुरुषलाई निर्वाह भत्ता प्रदान गर्नका लागि ५ लाख ४० हजार रुपैयाँ बजेट विनियोजन गरिएको उपाध्यक्ष पार्वती कार्कीले बताइन्।
गाउँपालिकाले भत्ता वितरण प्रयोजनका लागि निवेदन आह्वान गरिसकेको छ ।पालिकाले शुक्रबार एक सूचना जारी गर्दै १५ दिनभित्र निवेदन पेश गर्न सुचना जारी गरेको हो।
आर्थिक रुपले विपन्न एकल पुरुषहरुको जिविकोपार्जनमा टेवा पुर्याउनका लागि भत्ता दिने तयारी भएको गाउँपालिकाले जनाएको छ ।
४० बर्षमाथिका एकल र बिधुर पुरुषले वडाका सिफारिशसहित सम्बन्धित वडामै निवेदन पेश गर्न सक्ने गाउँपालिकाले जनाएको छ ।
आर्थिक रुपले विपन्न एकल पुरुषलाई भत्ता दिइने र यसले एकल तथा विधुर पुरुषहरुलाई आफ्नो जिविकोपार्जनमा केही टेवा पुग्ने अपेक्षा लिइएको छ।
