बैतडीको शिवनाथ गाउँपालिकामा दुई दिने निशुल्क आँखा शल्यक्रिया शिविर सम्पन्न भएको छ ।
जिल्लाको शिवनाथ गाउँपालिका र च्यारिटी हेल्थ फाउण्डेसन नेपालको आयोजना तथा धनगढी नेत्रालय र श्रीकृष्ण आँखा अस्पताल प्रालि टीकापुरको प्राविधिक सहयोगमा शिविर सम्पन्न भएको शिवनाथ गाउँपालिकाका अध्यक्ष कर्णबहादुर साउँदले बताए ।
दुई दिने शिविरमा १ सय १३ जनाले आँखाको शल्यक्रिया गरिएको साउदले बताए । यस्तै चार सय ५० जनाले ओपिडी सेवा लिएका उनले बताए ।
शिविरमा आँखा कमजोर भएका १ सय १५ लाई निः शुल्क चस्मा बितरण गरिएको छ।
गाउँपालिकाबासीहरुलाई आँखा स्वास्थ्य सम्बन्धी सेवा दिने उद्देश्यले विभिन्न संघसंस्थाहरुसंग सहकार्य गरेर आँखा शिविर सञ्चालन गरिएको गाउँपालिका अध्यक्ष साउँदले बताए ।
गाउँपालिकाले गत बर्षपनि च्यारिटी हेल्थ फाउण्डेसन, धनगढी नेत्रालयसंगको सहकार्यमा शिविर सञ्चालन गरेको बताउँदै अध्यक्ष साउँदले यो बर्ष पनि शिविर सञ्चालन गरिएको जानकारी दिए।
सामाजिक उत्तरदायित्व अन्तर्गत विभिन्न स्थानीय तहहरुमा आयोजना गरिएका शिविरमा प्राविधिक सहयोग गर्दै आएको धनगढी नेत्रालयका अध्यक्ष गजेन्द्रबहादुर चन्दले बताए ।
शिविरमा च्यारिटी हेल्थ फाउण्डेसन नेपालका अध्यक्ष एवं बरिष्ठ नेत्र बिशेषज्ञ डाक्टर विद्याप्रसाद पन्त नेतृत्वको टीमले सेवा जनाएको छ।
