दार्चुला । नेपाली कांग्रेसको १५औँ महाधिवेशनमा हरक सिंह बिष्टले केन्द्रीय सदस्य (खस आर्य खुलातर्फ) उम्मेदवारी दिएका छन्।
बिष्टले पार्टीभित्र एकता, समृद्धि र सबल कांग्रेस निर्माणलाई आफ्नो मुख्य एजेन्डाका रूपमा अघि सारेका छन्। उनले महाधिवेशन प्रतिनिधि तथा पार्टीका नेता–कार्यकर्तासँग अमूल्य मतसहित सहयोगका लागि आग्रह गरेका छन्।
बिष्टले नेपाल विद्यार्थी संघ, दार्चुलाको सचिव हुँदै राजनीतिक यात्रा अघि बढाएका हुन्। त्यसपछि उनले स्वतन्त्र विद्यार्थी युनियन (स्ववियु) सभापतिको जिम्मेवारी समेत सम्हालेका थिए।
कांग्रेस दार्चुलाको पूर्वजिल्ला सचिव समेत रहेका विष्टले पार्टीको महासमिति सदस्य तथा महाधिवेशन प्रतिनिधिको भूमिकासमेत निर्वाह गरिसकेका छन् ।
“एकता, समृद्धि र सबल नेपाली कांग्रेस”लाई आफ्नो मुख्य राजनीतिक नाराका रूपमा अघि सार्दै उनले पार्टीलाई थप एकताबद्ध, बलियो र जनतासँग जोडिएको बनाउन आफूले भूमिका खेल्ने प्रतिबद्धता गरेका छन् ।
खस आर्य खुलातर्फबाट केन्द्रीय सदस्यमा उम्मेदवारी दिएका बिष्टले महाधिवेशन प्रतिनिधिहरूसँग समर्थन र सहयोगका लागि अपिल गरेका छन्।
