- Advertisement -
काठमाडौँ — एमालेले अध्यक्ष केपी शर्मा ओलीको पक्राउविरुद्ध अन्य राजनीतिक दलसँग सहकार्य गर्न नेताहरूलाई जिम्मेवारी तोकेको छ ।
पार्टी केन्द्रीय कार्यालय च्यासल ललितपुरमा शनिबार बिहान बसेको आकस्मिक सचिवालय बैठकले संसद्, सडक र कानुनी रूपमा प्रतिवाद गर्न तीन उपाध्यक्षलाई जिम्मेवारी तोकेको हो ।
राजनीतिक दलसँग समन्वय गर्ने जिम्मा उपाध्यक्ष विष्णु पौडेललाई, संसदीय दलसँगको संवाद र समन्वय गर्न उपाध्यक्ष रामबहादुर थापा र कानुनी लडाइँका लागि समन्वय गर्ने जिम्मेवारी उपाध्यक्ष गोकर्ण विष्टलाई दिइएको छ ।
देशभर जनपरिचालनको संयोजन महासचिव शंकर पोखरेलको गर्नेछन् ।
